“Ankarada Şuşa mədəniyyət günləri” çərçivəsində rəsmi görüşlər baş tutub

“Ankarada Şuşa mədəniyyət günləri” çərçivəsində 14 noyabr tarixində Azərbaycan Respublikası Prezidentinin Şuşa rayonunda xüsusi nümayəndəsi Aydın Kərimov Ankara valisi Vasip Şahinlə görüşüb. Çox səmimi və mehriban şəraitdə keçən görüşdə Türk dünyasının mədəniyyət paytaxtı olan Şuşa şəhərində aparılan bərpa-quruculuq işləri nəticəsində şəhərin geri qayıtmaqda olan əzəməti, turizm potensialı və inkişafı barədə danışılıb. Bununla yanaşı, bu gün Şuşanın beynəlxalq arenada tanınması istiqamətində atılmaqda olan addımlar və həyata keçirilən layihələr barədə də məlumat verilib. Vasip Şahin Şuşa şəhərinə olan sevgisindən söz açıb və bu şəhərin inkişafı istiqamətində hər bir dəstəyə açıq olduğunu diqqətə çatdırıb. 

Sonda xatirə hədiyyələri təqdim olunub.