Diplomatik korpus nümayəndələri Şuşa şəhərinə səfər ediblər

Azərbaycanda akkreditə olunmuş diplomatik korpus nümayəndələri Şuşa şəhərinə səfər ediblər. Xarici diplomatları Prezidentin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev müşayiət edib.

Səfər çərçivəsində nümayəndə heyəti Şuşa şəhərinin Qarabağ küçəsində həyata keçirilən tikinti işləri ilə tanış olublar.  Aşağı Gövhər Ağa məscidini ziyarət edən qonaqlar, sonra   Şuşa şəhərində birinci yaşayış kompleksində yaradılan şəraitlə tanış olublar.